මේ දිනවල තිරගත වන ‘ශ්‍රී සිද්ධාර්ථ ගෞතම’ චිත්‍රපටයේ මහා ප්රජාපතී ගෝතමියගේ චරිතය නිරූපණය කරන්නේ අංජනී පෙරේරාය.
අංජනී, ලාංකික යුවලකගේ දියණියකවුවද ඇය හැදී වැඩී ඇත්තේ ඇමරිකාවේ ලොස් ඇන්ජලිස් නුවරය.
ඇයට පුරවැසි භාවය ඇත්තේද ඇමරිකාවේය.
අංජනීගේ පියා කුරුණැගල ප‍්‍රදේශයේ අයෙක් වන අතර ඇගේ මව ගල්කිස්සේ උපන් තැනැත්තියකි.
ඇගේ බල සහෝදරියද ජීවත්වන්නේ ඇමරිකාවේ බව පැවසෙන අතර අංජනී කරාතේ සටන්වල නිල් පටි කාරියක් බවද ඇය කියන්නීය.
එසේම යතුරු පැදි හා මෝටර් රථ ධාවනයටද සමත් ඈ ඉලක්කයට වෙඩි තබන්ටද දක්ෂ බව පැවසේ.ඒ සඳහා ඇයට සම්මානද ඇතැයි වාර්තා වේ.
කුඩා කල සිටම රඟපෑමට ඇළුම් කල නිසා පාසල් අධ්‍යාපනය හමාර කල වහාම නිපුනතා වර්ධනයකර ගැනීමට ඇන්ජලීස්වල තිබෙන හොඳම ආයතන 10 න් එකක් හා සම්බන්ධ වී තිබේ.
එම ආයතනයට ඇතුළත් වූ පළමු සිංහල කාන්තාව ද ඇය බව පැවසේ.
කෙසේවුවද ‘ශ්‍රී සිද්ධාර්ථ ගෞතම’ අංජනීගේ පළමු සිංහල සිනමා සිත්තමයි.
මේ චිත්‍රපටයද ඇතුළුව ඇය රගපා ඇති චිත්‍රපට ගණන 3ක් බවත්, ඊට අමතරව ජාත්‍යන්තර තලයේ වෙළෙද දැන්වීම් කිහිපයකටද සහභාගිවී ඇති බව අංජනී පවසන්නීය.
