තාමත් මම ලැජ්ජයි ...බයයි - Muthu Tharanga

වැරදුණ තැනුත් තිබ්බා.
ඒත් මට හරිගියා මිසක් වැරදුනේ නෑ.- මූතූ තරංගා

මුතු තරංගා ජනප්‍රිය නිළියක් දැන් ඇය ජනප්‍රිය ගායිකාවක් කිව්වත් වැරද්දක් නෑ. රංගනයෙන් ගායනයෙන් මුතූට හරිගියත් ඇගේ ජීවිතයෙත් වැරදුණු තැන් තිබුණාලූ. ඇය මෙවර සති අන්ත පුවත්පතකට ඇගේ විස්තර මේ විදියට කියල තිබුනා....

මොනවද මේ දවස්වල වැඩ කටයුතු ?
ඉදිරියේදී ස්වර්ණවාහිණියේ විකාශය වන මැද ගෙදර ටෙලි නාට්‍යයේ රූගග කිරීම් කරනවා. ඊට අමතරව නම් පසුගිය දවස්වල ප්‍රසංගයකට කොරියා ගියා. ඉදිරයේත් බාර ගත් විදෙස් ප්‍රසංග කීපයක්ම තියෙනවා.
මුතු තරංගා කියන්නේ මොනවගේ චරිතයක්ද ?
බොහොම සාමාන්‍ය කෙනෙක්. ඒ වගේම පොළවේ පය ගහලා ජීවත්වන කෙනෙක්.

නිරූපිකාවක් වෙන්න ගත්ත තීරණේ හරි කියලා හිතෙනවාද ?
අපෝ ඔව්..... කැටි විතරක් දැනගෙන මම නිරුපිකාවක් වුණේ නෑ. මම දැනුමත් එක්කයි නිරූපණ ක්ෂේත්‍රයට පය හැහුවේ. නික් ජයමහට ඒ ගැන ස්තුතිවන්ත වෙන්න ඕනෑ. මං හිතන්නේ නිරූපිකාවක් වෙලත් මට වැරදුණේ නැත්තේ ඒ නිසා.

මුතූ නිළියක් වුණෙ ඇයි ?
ඒක පෙර වාසනාවකට සිද්ධ වෙච්ච දෙයක්. මගේ තාත්තගේ සහය නොලැඛෙන්න කවදාවත් මට නිළියක් වෙන්න ලැඛෙන්නේ නැහැ.

නිළියක් වෙලා ජීවිතේ කොතැනකවත් වැරදුණේ නැද්ද ?
අපෝ නැහැ. හරි ගියා මිසක වැරදුණේ නම් නැහැ.

ඒක් සමහරුන්ට නම් වැරදෙනවා ?
වෙන්න ඇති ඒත් මට එහෙම වුණේ නැහැ.

පුංචි කාළේ හීන දැක්කේ කවුරු වෙන්නද ?
ගායිකාවක් වෙන්න .

නිළියක් වෙලා ඒ හීනෙට නම් වැරැද්දක් වෙලා වගේ ?
දැන් නම් ඒ හිනෙත් ටික ටික හැබෑ වෙනවා. වෘත්තියෙන් ගායිකාවක් නොවුණත් දැන් ප්‍රසංග වලටත් ආරාධනා ලැඛෙනවානේ.

මුතූ පාසල් කාලේ මොනවගේ චරිතයක්ද ?
ගායනයට, නර්තනයට දක්ෂයි. ක්‍රීඩාවටත් දක්ෂයි. නෙට්බෝල් විතරක් නෙවෙයි එල්ලේත් ගහලා තියනවා. හැබැයි හරිම ලජ්ජාශීලියි. ගෙදරට නෑදැයෙක් ආවත් මුළුගැන්විලා ඉන්නේ.

ලැජ්ජා බය නැති වුණෙ නිළියක් වුණාට පස්සේද ?
තාමත් මගේ ලැජ්ජා බය නැති වෙලා නැහැ. මම මැරෙනකම්ම ඒ ලැජ්ජා බය නැති වෙන්නේ නම් නැහැ. එහෙම වුණානම් රංගනයෙන් වුණත් මම මීට වඩා ඉදිරියට ගිහින්.


අධ්‍යාපනයට නම් වැරැද්දක් වුණා නේද ?
ඔව් නේ. පාසල් කාලේ වැඩිපුරම හිටියේ නැටුම් කාමරේ. නැත්නම් සංගීත කාමරේ. මම සාමාන්‍ය පෙළ සමත් වුණත් මම හිතන් හිටපු තරමට උසස් ප්‍රතිඵල ගන්න බැරි වුණා. සිස්ටර්ට මුහුණ දෙන්න බැරි කමට ප්‍රතිඵල කියන්නවත් පාසලට ගියේ නැහැ. එතැනින්ම අධ්‍යාපනෙත් අවසන් වුණා.

ප්‍රේමයේ වැරදුණ තැන් ඇති ?
ඒක වැරදුන තැනකට වඩා මට හරිගිය තැනක් කියලයි දැන් හිතෙන්නේ. ඒක හරි ගියා නම් නොගැලපෙන විවාහයක් නිසා ජීවිතේම විදවන්න වේවි.

ජීවිතේ ගත්ත වැරදිම තීරණය මොකක්ද ?
ප්‍රථම ප්‍රේමය තමයි. මව්පියන් විරුද්ද වෙද්දීම මම ඒ සම්බන්ධයට පැටඵණේ. ඒත් කාලයාගේ අවෑයමෙන් ඒ සම්බන්ධය දුරස් වුණා.

දැන් ප්‍රේමය ගැන තෘප්තිමත්ද ?
නැත්නම් . දැන් අපේ ප්‍රේමයට අවුරුදු 08 යි.

ඒත් දවසින්දවස ඔබේ විවාහය කල් යනවා. එහෙම වෙන්න කොතැනද වැරදුණේ ?
පසුගිය අවුරුද්ද අවසානයේ විවාහ මංගල්‍යය ගන්නයි සැලසුම් කරලා තිබුණේ. ඒත් නවසීලන්තයේ සංචාරයකට ගිය නිසා ඒක තව ටිකක් කල් ගියා. බොහෝ වෙලාවට මේ අවුරුද්ද අවසානයේ ඒ බලාපොරොත්තුවත් ඉෂ්ට වෙයි.

හිටි හැටියේ නවසීලන්තවට ගියේ ඇයි ?
සංචාරයකට.

පදිංචියට නෙවෙයිද ?
නැහැ. කැමැත්තක් තිබුණත් බාර ගත්ත වැඩ අතරමග දාලා යන්න බැහැනේ .

විදෙස් සංචාරයක් වෙනුවෙන් විවාහ මංගල්‍යය කල් දාන්න ගත්තු තීරණය හරිද ?
වැරැද්දක් නැහැ. නිශාන්තයි මමයි ඒ රටට හරි ආසයි. ආපහු යන්න අවස්ථාවක් ලැබුණොත් ගිහින් එන්න යනවා.


මුතූට ක්ෂේත්‍රයේ හොද යාළුවෝ නෑ කියන්නේ ඇත්තද ?
මම හැමෝ එක්කම කතා කරනවා. හිනා වෙනාවා. හැබැයි ඕනෑවට වඩා කිසිම කෙනෙක් ආශ්‍රය කරන්නේ නැහැ. ක්ෂේත්‍රයේ විතරක් නෙමෙයි ක්ෂේත්‍රයෙන් පිටත් බඩ බැදගෙන ආශ්‍රය කරන යාළුවෝ මට නැහැ.

එහෙම වෙන්න කොතැනද වැරදුණෙ ?
ඕනෑවට වඩා සම්බන්ධතා තියනකොට අපි ඒ ජීවිත වලට කිට්ටු වෙනවා. අපේ අඩුපාඩු එයාලා දකිනවා. ඒ දේවල් වලින් අවස්ථාව ලැබුණහම ප්‍රයෝජන ගන්නවා. එහෙම වුණාම හිත රිදෙනවා. මම මගේ හිත රිදවා ගන්න කැමති නැහැ.

අත්දැකීමෙන්ද කියන්නේ ?
ඔව් අත්දැකීම් නැත්තෙත් නැහැ.

මෙගා ස්ටාර් ගිහින් වැරදුණා නේද ?
වැරදුණ තැනුත් තිබ්බා. හරි ගිය තැනුත් තිබ්බා. මට ගායනා කරන්න පුළුවන් කියලා ගොඩක් අය දැන ගත්තේ මෙගා ස්ටාරි නිසා.

අනාගතය ගැන දකින හීන මොනවද ?
කවදාවත් මම හීන දැකලා නැහැ. හීන පස්සේ දුවලා හීන සැබෑ නොවුනහම හිත රිදවා ගන්නවාට වඩා හීන නොදැක ඉන්න එක හොදයි.